اسلام آباد (این این آئی)رکن قومی اسمبلی محسن داوڑ نے مسجد نبوی ؐ میں پیش آئے واقعہ پر سابق وزیرِ اعظم کو مخاطب ہو کر کہا ہے کہ عمران خان صاحب! یہ واقعہ آپ کے بدترین اختتام کا آغاز ثابت ہو گا۔اپنے بیان میں انہوں نے کہا کہ مسجد نبوی ؐ میں پی ٹی آئی کارکنوں کی گالم گلوچ کا شرمناک واقعہ انتہائی قابلِ مذمت ہے۔محسن داوڑ نے کہا کہ مسجد نبوی ؐ میں پی ٹی آئی کارکنوں نے منصوبہ بندی سے حکومتی رہنمائوں سے گالم گلوچ کی۔رکنِ قومی اسمبلی کا سوشل میڈیا پر بیان میں کہنا ہے کہ یہ واقعہ ہمارے سیاسی اور سماجی کلچر کے المناک تنزل کو ظاہر کرتا ہے۔