اسلام آباد ( آن لائن )تحریک انصاف کے رہنما علی محمد خان نے کہا ہے کہ مسجد نبویﷺ کا احترام ہر صورت میں ہر حال میں مقدم ہے۔ایک بیان میں علی محمد خان نے کہا کہ ہزار سیاسی اختلاف ہو لیکن اخلاقیات کا دامن ہاتھ سے نہ چھوٹے، نہ ہی سیاسی اختلاف دشمنی میں بدلیں۔انہوں نے کہا کہ مسجد نبویﷺ یا اس کے احاطے میں کسی بھی صورت نعرے بازی مناسب نہیں، مسجد نبویﷺکے احاطے میں نعرے بازی آداب کے خلاف اور سخت منع ہے۔انہوں نے مزید کہا کہ عوامی ردعمل تھا لیکن مسجد نبویﷺ کا احترام ہر صورت میں ہر حال میں مقدم ہے۔