کولمبس(اینی این آئی)اوہایو میں واقع اسٹیک بنانے والی مشہور ریستوران کی شیف خاتون نے دس لاکھ اسٹیک بنانے کا ہدف پورا کیا ہے اور انہیں 5ہزار ڈالر کا انعام بھی دیا گیا ہے۔میڈیارپورٹس کے مطابق اس خاتون کا نام گیل ڈیوڈلے ہیں

جو گزشتہ 20 برس سے لانگ ہارن اسٹیک ہاس کی بہت سی دکانوں میں سے ایک میں کام کرتی ہیں جو کولمبس میں واقع ہے۔ یہ کمپنی کی ان چند شیف میں شامل ہیں جنہوں نے اپنی مدتِ ملازمت میں لاکھوں اسٹیک تیار کئے ہیں۔ اب انہیں پانچ ہزارڈالر کی رقم اور گرل ماسٹر لیجنڈ کا اعزاز بھی دیا گیا ہے۔تاہم گیل نے کہاکہ ان کا ریکارڈ ریستوران میں بنتا جارہا تھا لیکن انہیں معلوم نہیں تھا کہ وہ اپنے کیریئر میں دس لاکھ اسٹیک بنا کر انہیں صارفین کی میز تک پہنچاچکی ہیں۔ تاہم کمپنی نے انہیں اچانک اس سے آگاہ کیا اور خود گیل کو اس کا علم نہ تھا۔ اس موقع پر رقم کا چیک، ایک گولڈ شیف کوٹ اور کئی تحفے بھی دیئے گئے ہیں۔لانگ ہارت اسٹیک ہاس کی امریکہ بھر میں 540 شاخیں ہیں جہاں ہزاروں افراد کام کرتے ہیں یہی وجہ ہے کہ بہت کم شیف ایسے ہیں جو اتنی مدت سے یہاں کام کررہے ہیں اور انہیں ایک اعزاز حاصل ہوا ہے۔