اسلام آباد (مانیٹرنگ، آن لائن) مسجد نبویؐ میں شاہ زین بگٹی اور مریم اورنگزیب کو پیش آنے والے واقعہ کے بعد بلوچ نوجوانوں نے احتجاج شروع کر دیا اور انہوں نے عمران خان کے پوسٹر جلا دیے جن کی ویڈیو سوشل میڈیا پر سامنے آئی ہیں۔ وفاقی وزیر شاہ زین بگٹی نے اپنے ٹوئٹر اکاؤنٹ پر مسجد نبویﷺ میں پیش آئے واقعے پر رد عمل کا اظہار کرتے ہوئے قرآنی آیت اور اس کا ترجمہ شیئر کر دیا۔انہوں نے اپنے ٹوئٹر اکاؤنٹ پر سورہ الحجرات کی آیت کا ترجمہ’ اے ایمان والو! اپنی آوازیں نبی کی آواز پر اونچی نہ کرو اور ان کے حضور زیادہ بلند آواز سے کوئی بات نہ کہو جیسے ایک دوسرے کے سامنے بلند آواز سے بات کرتے ہو کہ کہیں تمہارے اعمال بربادنہ ہوجائیں اور تمہیں خبرنہ ہو’ بھی شیئر کیا۔