اسلام آباد (آن لائن) ۔ سپیکر نے سابق سپیکر کی جانب سے غیر قانونی بھرتیوں کا نوٹس لے لیا۔ سابق دور میں کی گئی بھرتیوں بارے رپورٹ طلب کرلی ۔ سپیکر نے سابق سپیکر کی جانب سے غیر قانونی بھرتیوں کا نوٹس لے لیا۔ ذرائع کا کہنا ہے کہ سپیکر راجہ پرویز اشرف نے قومی اسمبلی سیکرٹریٹ سے بھرتیوں کی تفصیلات مانگ لی۔ کس کس شعبہ میں لوگوں کو بھرتی کیا گیا، ڈیپوٹیشن پر کون آیا، تفصیلات طلب کر لی گئیں ۔ غیر قانونی طور پر کس کی ترقی ہوئی اس بارے میں بھی سپیکر قومی اسمبلی نے تفصیلات مانگ لیں۔ سپیکر قومی اسمبلی راجہ پرویز اشرف انکوائری کے بعد غیر قانونی طریقے سے بھرتی ہونے والوں کے خلاف کارروائی کریں گے،۔ سپیکر قومی اسمبلی راجا پرویز اشرف نے معاملے پر جامع تحقیقات کا بھی حکم دیدیا۔

موضوعات:غیر قانونی بھرتیاں