اسلام آباد (آن لائن )سابق صدر آصف علی زرداری اور چیرمین پاکستان پیپلزپارٹی بلاول بھٹو زرداری نے وزیراعلیٰ سندھ مراد علی شاہ کو فوری اسلام آباد طلب کرلیا۔ملکی سیاسی صورتحال سے متعلق مشاورت کے لئے وزیراعلیٰ سندھ مراد علی شاہ فوری اسلام آباد روانہ ہوگئے۔ وزیراعلی سندھ خصوصی طیارے کے ذریعے کراچی سے اسلام آباد روانہ ہوئے۔مراد علی شاہ ہفتہ کی وپہر کو اسلام آباد سے کراچی پہنچنے تھے، پیپلز پارٹی قیادت کی طرف سے فوری طلبی پر وزیراعلی سندھ اسلام آباد کے لئے روانہ ہوگئے۔