لاہور( این این آئی )پاکستان تحریک انصاف کے باغی ارکان قومی اسمبلی سے پنجاب حکومت کے وزیر کے رابطے کا انکشاف ہوا ہے۔ذرائع کے مطابق سندھ ہائوس میں موجود پاکستان تحریک انصاف کے اراکین قومی اسمبلی راجہ ریاض اور رانا قاسم نون سے پنجاب حکومت کے اہم صوبائی وزیر رابطہ کیا ہے، رابطے کے دوران اراکین سے کہا گیا ہے کہ پارٹی میں واپس آ جائیں آپ کو عزت وقار ملے گا۔صوبائی وزیر نے وزیراعلی پنجاب سردار عثمان بزدار کی جانب سے ٹاسک ملنے کے بعد منحرف ارکان سے رابطہ کیا ہے، رابطہ کرنے والے وزیر کا تعلق ملتان سے ہے،صوبائی وزیر کے مطابق امید ہے بات چیت آگے بڑھے گی۔