اسلام آباد (این این آئی)پاکستان تحریک انصاف کے رکن قومی اسمبلی نورعالم خان کو جان سے مارنے کی دھمکیاں ملنے لگیں۔نور عالم خان نے دھمکیوں والے میسجز کے اسکرین شارٹ ٹوئٹر پر شیئر کیے اور کہا کہ دھمکیاں دی جارہی ہیں کہ جو بینظیربھٹواوربشیربلور کے ساتھ ہوا، وہی تمھارے ساتھ ہوگا۔انہوں نے کہا کہ مجھے دھمکی دی جا رہی ہے کہ تمہارے اور تمہارے 3 بیٹوں کیساتھ یہی کیا جائے گا۔ انہوںنے کہاکہ مجھے کچھ ہوا تو موجودہ قیادت ذمہ دارہوگی۔خیال رہے کہ نور عالم خان پی ٹی آئی کے منحرف ہونے والے ارکان میں شامل ہیں۔