اسلام آباد ( آن لائن) پاکستان تحریک انصاف (پی ٹی آئی) کے بانی رکن قومی اسمبلی نجیب ہارون نے مائنس عمران خان کا مطالبہ کردیا۔اپنے ایک انٹریو میں نجیب ہارون نے کہا کہ وہ پارٹی کے سینئر ممبر کے طور پر خاموش نہیں رہ سکتے ،

اس وقت سیاسی فیصلہ کرنا پڑتا ہے تو ضروری نہیں کہ سب کچھ قربان کیا جائے ، ان کی خواہش ہے کہ پارٹی قائم و دائم رہے۔ پارٹی کی قربانی سے بہتر ہے کہ عمران خان قربانی دے دیں، بہتر یہی ہے کہ عمران خان کسی اور شخص کو آگے لائیں۔نجیب ہارون کا مزید کہنا تھا کہ پارٹی میں ناراضی بھی ہوتی ہے ، انہوں نے ایک بار استعفیٰ بھی دیا تھا لیکن وہ پارٹی کی پالیسی کے ساتھ کھڑے ہیں، اس وقت ملک ہٹ دھرمی کا متحمل نہیں ہوسکتا، ہمیں اپنی ذاتوں کے حصار سے آگے نکلنا ہے میں آج بھی عمران خان کے ساتھ ہو ں اور آگلے 50سال بھی ان کے ساتھ رہوں گا میں نے پارٹی نہیں چھوڑی اور نہ چھوڑنے کا ارادہ ہے تحریک عدم اعتمادمیں وزیراعظم عمران خان کے ساتھ ہوں ۔