اسلام آباد (مانیٹرنگ ڈیسک ) تحریک انصاف کے رہنما و رکن قومی اسمبلی احمد حسین ڈیہڑ نے چیلنج دیتے ہوئے کہا ہے کہ جس نے گرفتار کرنا ہےوہ کر لے ووٹ وزیراعظم عمران خان کو نہیں دوں گا ۔ تفصیلات کے مطابق پالیمنٹ لاجز میں موجود پی ٹی آئی رہنما

احمد حسین ڈیہڑ کا کہنا ہے کہ میں وزیراعظم عمران خان کے پاس گیا تھا انہیں فائلیں دیں ، چیف سیکرٹری نے کہا کہ آپ بار بار پرائم منسٹر کا نام کیوں لیتے ہیں، سی ایم سیکرٹریٹ میں کلیئرنس سیل لگی ہوئی ہے ۔ نجی ٹی وی جیو نیوز کے مطابق ان کا کہنا تھا کہ لینڈ ریکارڈ سینٹر میں مافیاز ہیں، میں نے ثبوت پیش کیے ، میں نے دھرنا دیا، کارکن دھرنے میں آئے تو مجھے پارٹی ٹکٹ کارکنوں نے دیا، اسمبلی میں کہا کہ ہم یہاں گالیاں دینے نہیں غریب کو ڈیلیور کرنے آئے تھے۔ انہوں نے اعتراف کیا کہ کئی خامیاں ہوں گی لیکن شہباز شریف جیسا ایڈمنسٹریٹر میں نے نہیں دیکھا، وزیراعظم نے 6 ایسے وزیر بنادیے جو کرپٹ تھے، عمران خان کو پیغام دیا کہ آپ ایک بندے کو چھ، چھ سات، سات عہدے دیتے ہوئے تھکتے نہیں ہیں ۔