لاہور(این این آئی)متحدہ اپوزیشن کی جانب سے وزیراعلی پنجاب سردار عثمان بزدار کے خلاف بھی جلد تحریک عدم اعتماد لائے جانے کا امکان ہے جس کے لئے ہوم ورک مکمل کر لیا گیا ہے۔نجی ٹی وی نے ذرائع کے حوالے سے کہاہے کہ متحدہ اپوزیشن کی جانب سے وزیراعلیٰ پنجاب سردار عثمان بزدار کے خلاف تحریک عدم اعتماد جلد پیش کی جائے گی اس سلسلے میں متحدہ اپوزیشن کے رہنماؤں
نے اپنا ہوم ورک مکمل کر لیا ہے۔ذرائع کے مطابق تحریک عدم اعتماد کے حوالے سے پنجاب اسمبلی سیکرٹریٹ میں اہم ذمہ داران کی دستیابی سے متعلق استفسار کیا گیاہے اور انہیں آگاہ کیا گیا کہ اپوزیشن وزیر اعلی کے خلاف عدم اعتماد کی تحریک جمع کرانا چاہتی ہے۔اپوزیشن نے پنجاب اسمبلی سیکرٹریٹ کے ذمہ داران سے عدم اعتماد کی تحریک کے پراسس کے بارے میں بھی معلومات مانگ لی ہیں۔
