لاہور( این این آئی)لاہورکے شاہی قلعہ میں پابندی کے باوجودڈرفٹنگ کے بعد ڈانس تقریبات کے انعقاد کا انکشاف ہوا ہے ۔نجی ٹی وی کے مطابق تاریخی شاہی قلعہ میں شیش محل کے ساتھ واقع مہاراجہ رنجیت سنگھ آٹھ درہ کے احاطے میں ڈسکوڈانس کی ویڈیوزمنظرعام پرآگئیں۔

شاہی قلعہ میں آثارقدیمہ ایکٹ کی کھلم کھلا خلاف ورزی دیکھنے میں آئی جہاں میوزیکل تقریب میں اسٹیج پربھارتی گانوں پررقص کیاجارہا ہے۔واضح رہے کہ شاہی قلعہ میں میوزک،کنسرٹ جیسی تقریبات پرپابندی عائد ہے جبکہ رواں سال 26 فروری کو اس تاریخی عمارت میں کارڈرفٹنگ پربھی پنجاب حکومت کی جانب سے نوٹس لیاگیاتھا۔