اسلام آباد (این این آئی)وفاقی وزیر طارق بشیر چیمہ نے کہا ہے کہ اپوزیشن کے ساتھ جائیں گے تو چوری سے نہیں جانا، اعلان کرکے جائیں گے، آج بھی ایم این ایز کو دھمکیاں آرہی ہیں۔ ایک انٹرویومیں طارق بشیر چیمہ نے کہا کہ سب فیصلے کے قریب ہیں، عدم اعتماد کے بعد تو فیصلہ نہیں کرنا، ہم اپنے اتحادیوں کے ساتھ کھڑے ہیں، انشاء اللّٰہ ایک فیصلہ ہوگا۔طارق بشیر چیمہ نے کہا کہ پنجاب میں ساڑھے 3 سال تو گروپ نہیں تھے،

آج یہ خود کہنے پر مجبور ہوگئے ہیں کہ پارٹی میں 4 ، 4گروپ ہیں۔ رہنما ق لیگ نے کہا کہ جس طرح پنجاب چلایاگیا اس کے اچھے اثرات نہیں نکلے، میری ذاتی رائے ہے کہ اتحادیوں کے ساتھ چلنا چاہیے، کیا انہیں نہیں پتا کتنے ممبر جا چکے ہیں؟طارق بشیر چیمہ نے کہا کہ اتحادیوں کو مل کرفیصلہ کرنا ہے، ہر جماعت کے اپنے اپنے مسائل ہیں، ہم چاہتے ہیں کہ اگر اپوزیشن میں جائیں تو ایک دوسرے کی ڈیفنس لائن بنیں۔