لاہور( این این آئی)محکمہ تعلیم نے سکولوں میں پروگرامز میںبیہودہ ڈانس اور اونچی آواز میں سپیکرز پر گانے سننے پر پابندی عائد کر دی ۔محکمے کی جانب سے اتھارٹیز کو ہدایت جاری کردی گئی ہے جس میں کہا گیا ہے کہ سکولوں میں صرف سپورٹس، جشن بہارا ںاور ثقافتی پروگرامز منعقد کروائیں جائیں گے۔مذکورہ پروگرامز میں بیہودہ ڈانس، ناچ ، گانے اور اونچی آواز میں سپیکرز لگانا سختی سے منع ہوگا۔محکمہ کی جانب سے جاری مراسلے کے مطابق سکول سربراہان اخلاقیات پر مبنی پروگرامز منعقد کروانے کے پابند ہوں گے۔اس کے علاوہ صرف پاکستانی کلچر سے متعلقہ پروگرامز کا انعقاد کروئے جائیں گے۔احکامات کی خلاف ورزی پر متعلقہ سکول سربراہان کیخلاف کاروائی کی جائے گی ۔