لاہور( این این آئی)پاکستان مسلم لیگ (ق)کے رہنما و وفاقی وزیر چوہدری مونس الٰہی نے وزیر دفاع پرویز خٹک سے ان کے بیان پر وضاحت کرنے کا مطالبہ کر دیا ہے۔چوہدری مونس الٰہی نے سماجی رابطے کی ویب سائٹ ٹوئٹر پر پنجاب کی

وزارتِ اعلی سے (ق)لیگ کو انکار کی خبروں پر اپنے ردِ عمل کا اظہار کیا ہے۔انہوں نے اپنے ٹوئٹ میں کہا ہے کہ پرویز خٹک سے رابطہ رہتا ہے، ان سے ہر دوسرے دن بات ہوتی ہے۔مونس الٰہی نے وزیر دفاع سے مطالبہ کیا ہے کہ اپنے بیان کی وضاحت پرویز خٹک صاحب خود کر دیں۔واضح رہے کہ پرویز خٹک کے حوالے سے خبر آئی تھی کہ پی ٹی آئی نے (ق)لیگ کو وزار ت اعلی دینے سے انکار کر دیا ہے۔پرویز خٹک کا بیان رپورٹ ہوا تھا کہ (ق)لیگ کا وزیراعلیٰ اعلی نہیں بنا سکتے، (ن) لیگ بناتی ہے تو بن جائیں۔میڈیا میں یہ بھی رپورٹ ہوا تھا کہ پرویز خٹک نے مونس الٰہی کو اس حوالے سے آگاہ کر دیا ہے