اسلام آباد (مانیٹرنگ ڈیسک/این این آئی )مولانا فضل الرحمن کی جانب سے لانگ مارچ کی کال پر پاکستان مسلم لیگ (ن)نے اہم فيصلے کرلئے ہیں۔نجی ٹی وی سماء کے نمائندہ خصوصی عاصم نصیر کی رپورٹ کے مطابق مسلم لیگ (ن) کے لانگ مارچ کی قیادت مریم نواز کریں گيں۔ مریم نواز اور حمزہ شہباز لاہور سے بذریعہ جی ٹی روڈ اسلام آباد جائیںگے۔اسلام آباد میں لیگی قافلے کا استقبال شہباز شريف کریں گے۔

(ن) لیگ نےجنوبی پنجاب کے کارکنان کو لاہورمیں جمع ہونے کی کال دے ہے۔پاکستان مسلم لیگ (ن) کی جانب سے لانگ مارچ میں شرکت کا جلد حتمی فیصلہ اور اعلان نوازشریف کی زیرصدارت اجلاس میں کیا جائے گا۔واضح رہے کہ پاکستان ڈیمو کریٹک موؤمنٹ (پی ڈی ایم) کے سربراہ فضل الرحمان نے 23 مارچ کو اسلام آباد کی طرف مارچ کی کال دے دی ہے۔پیر کو رات گئے مشترکا میڈیا ٹاک میں فضل الرحمان نے کہا کہ اسلام آباد میں کب تک بیٹھیں گے یہ فیصلہ ہم کریں گے، لوگ تیار رہیں تحریک عدم اعتماد کی تاریخ تک اسلام آباد میں رہیں گے۔ شاہراہ دستور پر ملکی تاریخ کا عظیم الشان جلسہ ہوگا۔ ارکان پارلیمنٹ کو بحفاظت ايوان پہنچايا جائے۔فضل الرحمان نے حکومت کو دھمکیاں دیتے ہوئے کہا کہ ہم انہیں چھٹی کا دودھ یاد دلادیں گے، ڈنڈے کا جواب ڈنڈے اور پتھر کا جواب پتھر سے دیں گے۔ دوسری جانب اپوزیشن اتحاد پاکستان ڈیمو کریٹک موومنٹ اور جمعیت علمائے اسلام (ف )کے سربراہ مولانا فضل الرحمن نے کہا ہے کہ لانگ مارچ کے لیے مسلم لیگ ن کے قافلے کی قیادت مریم نواز کریں۔ذرائع کے مطابق لانگ مارچ کے حوالے سے مولانا فضل الرحمٰن نے مسلم لیگ ن کو تجاویز پیش کر دیں۔ذرائع کے مطابق مولانا فضل الرحمن نے تجویز دیتے ہوئے کہا ہے کہ ن لیگ جنوبی پنجاب کے کارکنان کو لاہور میں جمع ہونے کی کال دے۔مولانا فضل الرحمن نے کہا کہا مریم نواز اور حمزہ شہباز شرکاء کی قیادت کرتے ہوئے لاہور سے براستہ جی ٹی روڈ اسلام آباد جائیں۔سربراہ پی ڈی ایم نے ن لیگ کو یہ تجویز بھی دی ہے کہ شہباز شریف اسلام آباد میں لانگ مارچ کے قافلے کا استقبال کریں۔مولانا فضل الرحمن کی ان تجاویز کے حوالے سے ذرائع نے بتایا ہے کہ اس ضمن میں حتمی فیصلہ اور اعلان ن لیگ کی قیادت کرے گی۔