اسلام آباد(این این آئی)پاکستان تحریک انصاف کے اوورسیز کنونشن میں تصاویر بنوانے کیلئے پی ٹی آئی کارکن آپس میں الجھ پڑے ، پاکستان تحریک انصاف کے چیئر مین اور وزیر اعظم عمران خان (آج) منگل کو اختتامی سیشن سے خطاب کرینگے ۔ پیر کو پی ٹی آئی کا اوورسیز کنونشن بد انتظامی کا شکارہوگیا ،سٹیج پر نہ بلائے جانے پر ارکان گھتم گتھا ہوئے ،سینیٹر فیصل جاوید کی موجودگی میں ارکان الجھ پڑے تاہم اس دور ان تصاویر بنوانے پر پی ٹی آئی کارکن آپس میں بھی الجھ پڑے ،پی ٹی آئی رہنما فیصل جاوید کے ساتھ تصویر بنانے پر کارکن کا ہنگامہ ہوا ،سینیٹر فیصل جاوید نے بیچ بچائو کروایا۔