کراچی (آئی این پی)معروف عالم دین مولانا طارق جمیل نے اپنے برانڈ “ایم ٹی جے “کی پرفیوم کلیکشن کا افتتاح کردیا، ایم ٹی جے پرفیوم کلکشن کی افتتاحی تقریب لکی ون مال میں منعقد کی گئی تقریب کے مہمان خصوصی مولانا طارق جمیل تھے جنھوں نے ربن کاٹ کر ” ایم ٹی جے فیسٹیو فریگرنس کلیکشن ” کا افتتاح کیا، افتتاحی تقریب میں لوگوں کی بڑی تعداد موجود تھی ، افتتاح کے بعد

مولانا طارق جمیل نے تقریب کے شرکاء سے ملاقاتیں بھی کیں اور خطاب کیا جس کے بعد دعا کرائی۔ مولانا طارق جمیل نے اس موقع پر کہا کہ دنیا تین دن ہے ایک گزر گیا واپس نہیں آئے گا ، اللہ نے تمھیں دین دیا ، کچھ کام کرنے کے ہیں کچھ کام چھوڑنے کے ہیں ،کام کرنے کا طریقہ بتایا، مسلمانوں نماز مت چھوڑنا میرے نبی نے کہا نماز نہ چھوڑنا، آخری نصیحت نماز کیبارے میں ہی تھی ہمارے پیارے نبی کی، ہر چیز میں گنجائش موجود ہے لیکن نماز کے لیے کوئی گنجائش نہیں ہے ہر حال میں نماز پڑھنی ہے ، جھوٹ نہ بولو ، کیونکہ جھوٹ ہلاکت میں ڈالتا ہے، جھوٹ بولنے والے پر اللہ کی لعنت پڑتی ہے، ماں سے بدتمیزی نہ کرو، ماں نہیں ہوگی تو کوئی پوچھنے والا نہیں ہوگا، چوتھی بات ہمیشہ رزق حلال کماو اور اپنی اولاد کو حلال کھلاو، حلال میں برکت ہے۔خطاب کے بعد مولانا طارق جمیل نے دعا کرائی اور ربن کاٹ کر ایم ٹی جے پرفیوم کلکشن کا افتتاح کیا۔