اسلام آباد (آ ن لائن) وزیر اعظم عمران خان نے آصف زرداری اور بلاول کے خلاف دھمکی آمیز بیان دیا، وزیر اعظم کا بیان پیکا کے سیکشن 11 کے زمرے میں آتا ہے،
پیکا کی مبینہ خلاف ورزی پر وزیراعظم کیخلاف ایف آئی اے میں تحریری درخواست جمع کرادی گئی۔ میڈیارپورٹ کے مطابق وزیر اعظم عمران خان کے خلاف وفاقی تحقیقاتی ایجنسی(ایف آئی اے) کے سائبرکرائم ونگ میں پریوینشن آف الیکٹرانک کرائم ایکٹ (پیکا) کی مبینہ خلاف ورزی پر تحریری درخواست جمع کرادی گئی۔ پیپلز پارٹی کے ر کن قومی اسمبلی قادر مندوخیل کے بھائی مسعود خان مندوخیل نے وزیراعظم کے خلاف درخواست جمع کرائی ہے۔درخواست میں کہا گیا ہیکہ عمران خان نے آصف زرداری اور بلاول کے خلاف نازیبا اور دھمکی آ بیان دیا، وزیر اعظم کا بیان پیکا کے سیکشن 11 کے زمرے میں آتا ہے۔درخواست میں مو قف اختیار کیا گیا ہیکہ بیان موجودہ حکومت کے پیکا آرڈیننس کی خلاف ورزی ہے، سپریم کورٹ اور سندھ ہائی کورٹ کے چیف جسٹس اس معاملے پر از خود نوٹس لیں۔
