نارووال(این این آئی) با اثر افراد نوجوان کو برہنہ کرکے مرغا بنا کر تشدد کرتے رہے،ویڈیو سوشل میڈیا پر وائرل ہونے کے بعد پولیس نے بروقت کارروائی اورمقدمہ درج کرکے دو ملزمان کو گرفتار کر لیا۔جیلانی کالونی کے رہائشی احسان بٹ نے پولیس کی دی گئی درخواست میں
بتایا کہ اس کو واٹس اپ پر ویڈیو ملی جس میں اس کے 17سالہ بیٹے فہد کو کچھ لوگ برہنہ کرکے تشدد کا نشانہ بنا رہے ہیں ،تشدد میں میرا بیٹا فہد رو روکر ان کی منت سماجت کر رہا ہے ،فہد سے پوچھنے پر بتایا کہ19فروری کو وہ بہن کو سکول چھوڑ کر واپس گھر جانے لگا تو کلیم،علی اور ثاقب مجھے زبردستی اپنے ڈیرے موضع چندووال لے گئے اور کمرے میں بند کرکے میرے اوپر تشدد شروع کر دیا تینوں لڑکوں نے مجھے برہنہ کیا اور مرغا بناکر ڈنڈوں ،جوتوں،تھپڑوں ،مکوں اور ٹھڈوں سے شدید تشدد کرکے میرے دوست کا پتہ پوچھتے رہے اور ساتھ ساتھ ویڈیو بناتے رہے ،میں نے منت سماجت کرکے ان کو یقین دلایا کہ وہ اپنے دوست کے بارے میں کچھ نہیں جانتا ،تینوں بااثر لڑکوں نے اس شرط پر میری جان بخشی کہ میں اس واقعہ کو کسی کو نہیں بتائوں گا ورنہ وہ میری ویڈیو سوشل میڈیا پر وائرل کر دیں گے ۔بچے کے والد کی درخواست پر پولیس نے فوری کاروائی کرتے ہوئے مقدمہ درج کرکے ویڈیو سے شناخت کے بعد دو ملزمان کو گرفتار کر لیا ہے۔
