اسلام آباد (این این آئی)وزارت سائنس و ٹیکنالوجی نے قومی بھنگ پالیسی منظوری کیلئے وفاقی کابینہ کو بھجوا دی،سرمایہ کاروں کی سہولت کیلئے بھنگ اتھارٹی بنائی جائے گی،
ریگولیٹری اتھارٹی کے تحت ون ونڈو آپریشن شروع کیا جائے گا۔وفاقی وزیر شبلی فراز نے کہاکہ بھنگ کی کاشت کیلئے لاتعداد درخواستیں موصول ہورہی ہیں، پہلے مرحلے میں 100 کمپنیوں کو بھنگ کی کاشت کے لائسنس جاری کیے جائینگے۔ وفاقی وزیر نے کہاکہ بھنگ پالیسی اسٹیک ہولڈرز کے ساتھ مشاورت کے بعد تشکیل دی گئی، وزارت تعلیم، کامرس، زراعت اور انسداد منشیات سے مشاورت کی گئی۔ وفاقی وزیر نے کہاکہ بھنگ کی کاشت کے ایریا کے گرد باونڈری وال اور فیلڈ میں کیمرے لگائے جائیں گے،عالمی سطح پر بھنگ کی 100 ارب سے زائد کی مارکیٹ ہے، بھنگ پالیسی میڈیکل اور انڈسٹریل کاشت کیلئے بنائی گئی، بھنگ کی کاشت سے ادویات اور ٹیکسٹائل کی امپورٹ کم ہوگی۔
