نئی دہلی (آن لائن) بھارتی ریاست مغربی بنگال میں ہائی کورٹ نے ایک فیصلے میں ریاستی حکومت سے کہا ہے کہ وہ ایک نیپالی شہری کو 41 سال تک بغیر مقدمہ چلائے جیل کی سلاخوں کے پیچھے رکھنے پر 5 لاکھ روپے معاوضہ ادا کرے۔ملکی میڈیا رپورٹ کے مطابق

انسانی حقوق کی ایک تنظیم کی طرف سے یہ مقدمہ سامنے آنے کے بعد کولکتہ ہائی کورٹ نے مداخلت کی اور عدالت نے اس شخص کو رہا کر دیا۔ رپورٹ میں کہا گیا ہے کہ درگا پرساد ٹمسینا عرف دیپک جوشی کو 12 مئی 1980 کو ضلع دارجلنگ سے قتل کے ایک مقدمے میں مبینہ طور پر ملوث ہونے پر گرفتار کیا گیا تھا۔ رپورٹ کے مطابق جنوری 1980 میں 20 سالہ دیپک سرسوں کی فروخت کے لیے ایلام کے مگلبیرے بازار گیا تھا۔ نوجوان لمبک گا?ں کا رہنے والا ہے۔ نوجوان کے گھر والوں کو اس دن اس کا علم نہیں ہوا، انہوں نے اس وقت نوجوان کو کافی تلاش کیاتھا۔بعد میں پتہ چلا کہ وہ دارجیلنگ گیا تھا جہاں وہ کام کرتا تھا۔ لیکن وہاں اسے ایک خاتون کے قتل کے الزام میں گرفتار کر لیا گیا۔