ٹوکیو (این این آئی)جاپان سے تعلق رکھنے والی 107 سال اور 300 دن کی جڑواں بہنوں نے یکم ستمبر کو دنیا کی سب سے زیادہ عمر رسیدہ جڑواں بہنیں ہونیکا گنیز ورلڈ ریکارڈ اپنے نام کیا ۔ گنیز ورلڈ ریکارڈ زکے مطابق امینو سومیامااورکومے کوداما نامی جڑواں بہنیں جاپان کے مغربی جزیرے شودوشیما میں 5 نومبر 1913 کو پیدا ہوئیں۔گنیز ورلڈ ریکارڈز کی جانب سے

ایک بیان میں کہا گیا ہے کہ یکم ستمبر کو امینو سومیاما اور کومے کوداما نے جاپانی بہنوں کن ناریتا اور جن کنی کا قائم کردہ 107 سال اور 175 دن کا سابقہ ریکارڈ توڑ ا۔گنیز ورلڈ ریکارڈز کا کہنا ہے کہ کورونا کی وجہ سے ہم ان جڑواں بہنوں کو ذاتی طور پر ملاقات کرتے ہوئے آفیشل سرٹیفکیٹس نہیں دے سکے اس لیے سرٹیفکیٹس ان کے گھر پہنچا دیے گئے ہیں۔