اسلام آباد ( آن لائن )مسلم لیگ ن کی ترجمان مریم اورنگزیب نے کہا ہے کہ الیکشن کمیشن پر حملہ کرنے والے وفاقی وزراء کیخلاف توہینِ عدالت کی کارروائی کرکے اور ان وفاقی وزرا کو عبرت کا نشان بنایا جائے۔ الیکشن کمیشن کو بے اختیار بنا کر وزیر اعظم کو اختیار دینے کا منصوبہ ہے ۔وزیراعظم ہاؤس دھاندلی کا ہیڈ کوارٹر ہے، الیکشن کمیشن کے اعتراضات کے جوابات دئیے جائیں،

جب آواز اٹھاؤ تو کہتے ہیں این آر او نہیں ملے گا۔بولیں اگر الیکٹرانک ووٹنگ مشین اتنی اچھی ہے تو پھر سوالات کے جواب کیوں نہیں دئیے جارہے ۔ مسلم لیگ ن کے رہنما طارق فضل چوہدری کے ہمراہ وفاقی وزراء کی الیکشن کمیشن کے خلاف پریس کانفرنس پر سخت ردعمل کا اظہار کر تے ہوئے مریم اورنگزیب کا کہنا تھا کہ کل جس طرح قائمہ کمیٹی میں الیکشن کمیشن پر دہاوا بولا گیاالیکشن کمیشن کیخلاف اس وقت باتیں کی گئیں جب فراڈ مشین پر بات ہو رہی تھی فراڈ مشین کا مقصد انتخابات چوری کرنا ہے الیکٹرانک فراڈ مشین کے ذریعے الیکشن چوری کرنے کا منصوبہ بنایا جارہا ہے کرائے کے ترجمانوں نے الیکشن کمیشن پر حملے کیے جو شرمناک ہیں ، ، آرٹیکل 218 کے مطابق انتخابات کی ذمہ داری الیکشن کمیشن کی ہے، ن لیگ نے عوام کو بتایا ووٹنگ مشین فراڈ ہے۔ الیکشن کمیشن کو آگ لگانے کی دھمکی دی گئی، الیکشن کمیشن کو آگ لگانے کے بیان کی مذمت کرتے ہیں، الیکشن کمیشن کو توہین عدالت کے تحت کارروائی کا اختیار بھی حاصل ہے ۔الیکشن کمیشن پر حملہ کرنے والے وفاقی وزراء کیخلاف توہینِ عدالت کی کارروائی ہونی چاہیے ، الیکشن کمیشن پر حملہ کرنیوالوں کو نشان عبرت بنائیں گے۔۔مریم اورنگزیب کا کہنا تھا کہ ہم نے جمہوریت کی مضبوطی کیلئے انتخابات میں اصلاحات کیلئے 119 اجلاس بلوائے اب الیکٹرونک ووٹنگ مشین کیلئے

صرف تین اجلاس ہوئے پارلیمنٹ کی مضبوطی کی آج جو باتیں کر رہے ہیں وہ کل اسی پارلیمنٹ پر لعنت بھیجتے تھے بولیں پاکستان کسی کے والد صاحب کی جاگیر نہیں ہیاس وقت وزیراعظم ہاؤس دھاندلی کا ہیڈ کوارٹر بن چکا ہے ۔مسلم لیگ ن کی ترجمان مریم اورنگزیب کا کہنا تھا مہنگائی پر پوچھا جائے تو کہا جاتا ہے این آر او نہیں ملے گا کہا پارٹی فنڈنگ کو ظاہر کرنا نئے انتخابی اصلاحات قانون میں ختم کر دیا جائے گاایسا قانون متعارف کرایا جا رہا ہے جس سے پارٹی فنڈنگ کو ظاہر کرنالازم نہیں ہوگا ایسے کالے قانون کو منظور نہیں ہونے دیں گے۔پی ایم ڈی اے کے زریعے صحافیوں کو دبایا جا رہا ہے۔