ابو ظہبی(این این آئی)ملتان سلطانز کے شاہنواز دھانی نے کوئٹہ گلیڈی ایٹرز کے کپتان سرفراز احمد کو رن آؤٹ کرنے کی کوشش کے بعد ان سے معافی مانگ کر شائقین کرکٹ کے دل جیت لیے ہیں۔تفصیلات کے مطابق گزشتہ روز ابو ظبی میں کھیلے گئے پی ایس ایل کے میچ میں کوئٹہ گلیڈی ایٹرز اور ملتان سلطانز کی ٹیم مدمقابل تھیں۔ٹاس

جیت کر میچ میں ملتان سلطانز نے پہلے کھیلتے ہوئے مقررہ 20 اوورز میں 184 رنز کا مشکل ٹارگٹ دیا، جسے کوئٹہ گلیڈی ایٹرز پورا کرنے میں ناکام رہی اور ملتان سلطانز نے یہ میچ 110 رنز کے بڑی مارجن سے اپنے نام کیا۔پی ایس ایل میں کرکٹرز کی جانب سے میچ کے دوران مختلف اشارے، شرارتیں اور انداز شائقینِ کرکٹ کے دل کو چھو جاتے ہیں، اسی لیے کہتے ہیں کہ پی ایس ایل کوئی بھی جیتے جیت پاکستان کی اور کرکٹ کی ہی ہونی ہے۔گزشتہ روز کے میچ میں بھی ایسے ہی دل کو چھو جانے والے لمحات دیکھنے میں آئے کہ جب چوتھے اوور کی چوتھی گیند پر شاہنواز دھانی نے کپتان کوئٹہ گلیڈی ایٹرز کو رن آؤٹ کرنے کی کوشش کی۔رن آؤٹ کرنے میں تو شاہنواز دھانی ناکام رہے لیکن سینئر کھلاڑی کی عزت میں انہوں نے سرفراز احمد سے معذرت خوانہ انداز میں ہاتھ لہرا کر معافی مانگی جس کے جواب میں سرفراز بھی مسکرا دئیے۔شائقین کرکٹ میچ میں اس لمحے کو اپنا فیورٹ لمحہ قرار دیتے ہوئے دھانی کی تعریف کی ۔قومی کرکٹ ٹیم کے فاسٹ بولر حسن علی اور شاداب خان کی جانب سے علامہ اقبال کی بچوں کیلئے لکھی مشہور نظم ’لب پہ آتی‘ پڑھنے کی ویڈیو وائرل ہوگئی ۔گزشتہ روز شاداب خان نے اپنے تصدیق شدہ ٹک ٹاک اکاؤنٹ پر ایک دلچسپ ویڈیو شیئر کی جس میں وہ پاکستان سْپر لیگ کے چھٹے

ایڈیشن کا میچ کھیلنے کے بعد اپنی ٹیم کے ہمراہ ہوٹل واپس جارہے ہیں۔ٹک ٹاک پر شیئر کی گئی ویڈیو میں اسلام آباد یونائیٹڈ کی ٹیم بس میں موجود ہے جہاں شاداب اپنی سْریلی آواز سے کھلاڑیوں کو تفریح فراہم کررہے ہیں۔ویڈیو میں دیکھا جاسکتا ہے کہ شاداب خان مائیک میں ’لبِ پہ آتی ہے دْعا‘ پڑھتے ہیں اور اْن کا انداز بالکل وہی ہوتا ہے

جیسے اسکول میں طلبہ پڑھتے ہیں۔شاداب خان کو ’لبِ پہ آتی ہے دْعا‘ پڑھتا دیکھ کر حسن علی بھی پیچھے نہ رہے اور وہ بھی اسکول کی یادیں تازہ کرنے اپنے دوست کے ساتھ مائیک میں دْعا پڑھنے لگے۔قومی کرکٹرز کی یہ ویڈیو دیکھنے کے بعد ٹک ٹاک صارفین کا کہنا ہے کہ اْنہیں اپنے اسکول کا زمانہ یاد آگیا ہے۔ایک صارف نے لکھا

کہ جب ہم اسکول میں تھے تو اْس وقت اسپیکر پر ایسے ہی یہ دْعا پڑھتے تھے۔ٹک ٹاک صارف نے جذباتی ہوتے ہوئے لکھا کہ حسن عل اور شاداب خان نے اسکول یاد دلا دیا۔عبداللّہ نامی صارف نے قہقہے لگاتے ہوئے لکھا کہ اسکول میں اکثر ایسے ہی ہوتا تھا۔آفاق نامی صارف نے لکھا کہ اب سے شاداب خان میرے فیورٹ گلوکار ہیں۔دانیال نامی صارف نے کہا کہ اب یہ ویڈیو میم میں تبدیل ہوجائے گی۔

موضوعات:شاہنواز دھانی