پشاور(این این آئی) ڈپٹی کمشنر کوہاٹ نے ضابطہ فوجداری کی دفعہ 144کے تحت ضلع بھر میںتمام تجارتی سرگرمیوں، بازاروں اورمارکیٹس ماسوائے میڈیکل سروسز اور میڈیکل سٹورز، ویکسی نیشن سنٹرز ، تندور، ہوٹلز ( صرف ٹیک اوے کیلئے) اور پٹرول پمپس کو شام 6بجے سے سحری کے اوقات تک بند کرنے جبکہ جمعہ اور ہفتہ کے روز تمام تجارتی سرگرمیاں مکمل بند رکھنے کے
احکات جاری کیے ہیں ماسوائے میڈیکل سروسز، میڈیکل سٹورز، ویکسی نیشن سنٹرز، بیکریز، کریانہ سٹورز(جن میں بڑے شاپنگ مالز شامل نہیں) ،دودھ، گوشت، مرغی ، ٹائرپنکچر شاپس،سبزی و فروٹ کی دکانیں،تندور، ہوٹلز( صرف ٹیک اوے) اور پٹرول پمپس ۔ہر طرح کی انڈور اور آؤٹ ڈور تقریبات، کھانے پینے کے پروگرام، وغیرہ پر مکمل پابندی عائد کی گئی ہے۔بین الاضلاعی ٹرانسپورٹ 50فیصد سے زائد سواریاں بٹھانے پر بھی پابندی عائد کی گئی ہے۔ سنیماگھروں،مزارو ں پر اجتماعات ، بازاروں، مارکیٹس، عوامی مقامات اور سفر کے دوران فیس ماسک نہ پہننے، ہر طرح کے کھیل کود کی سرگرمیوں اور انڈور جمز پر مکمل پابندی عائد کی گئی ہے۔ اس پابندی کا اطلاق کورونا وائرس کی شدت اور تیزی سے پھیلائو کے تدارک اور بہتر عوامی مفاد کے پیش نظر کیا گیا ہے۔فوری طور پر نافذ العمل ہونے والی اس پابندی کا اطلاق 30یوم تک رہے گا جبکہ خلاف ورزی کرنے والوں کے خلاف سخت قانونی کاروائی عمل میں لائی جائیگی۔
