اسلام آباد (این این آئی)سابق وزیر دفاع و مسلم لیگ (ن) کے رہنما خرم دستگیر نے کہا ہے کہ موجودہ حکومت کی جانب سے کالعدم قرار دی گئی ، (ٹی ایل پی) کے ساتھ ہم نے کسی سفیر کو واپس بھیجنے کا معاہدہ نہیں کیا تھا۔ ایک انٹرویومیں خرم دستگیر خان نے کہاکہ پہلے
ایک تنظیم کو کالعدم قرار دیا گیا پھر اس سے مذاکرات کیے جا رہے ہیں، قوم جاننا چاہتی ہے کہ گزشتہ روز لاہور میں کیا ہوا؟انہوںنے کہاکہ حکومت نے کوئی اعداد و شمار جاری نہیں کیے، وزیر اعظم نے بھی حقائق سے آگاہ نہیں کیا۔خرم دستگیرنے کہاکہ ایک تنظیم کو کالعدم قرار دینا انتہائی سنجیدہ معاملہ ہے، کالعدم جماعت کے 3 ایم پی ایز ہیں، ان کا کیا کریں گے؟ جماعت کو کالعدم قرار دینے کی کیاضرورت تھی؟ حکومت نے عجلت میں پارٹی کو کالعدم قرار دیا۔
