ماسکو(نیوزڈیسک )ماسکومیں بچوں کیلئے ایک ارب ڈالرکاکارٹون فلموں کاپارک بنایاجائیگا۔ماسکو کے چیف ارکیٹیکٹ سرگئی کوزنیتسوو کے مطابق اس پارک کا رقبہ 2 لاکھ 80 ہزار مربع میٹر ہوگا۔ جو ماسکو کے جنوب میں واقع ہوگا۔ سرگئی کوزنیتسوو نے کہا کہ نئے پارک میں تفریحی مقامات کے علاوہ ایک سرکس، سینما گھر اور بچوں کیلئے کئی کیفے بھی بنائے جائیں گے۔ منصوبے کے مطابق یہ پارک سال بھر کھلا رہیگا اور اس میں آنے والے افراد کی سالانہ تعداد 50 تا 70 لاکھ ہوگی۔ توقع ہے کہ نیا پارک بنانے میں 3 سال لگیں گے۔ پارک کے قریب ایک ہوٹل تعمیر کیا جائے گا اسے بھی روسی کارٹون فلموں کے انداز میں سجانے کا منصوبہ ہے۔