میڈرڈ(یواین پی) ماہرین کے مطابق ایک نئی تحقیق سے پتا چلا ہے کہ گنجے مرد قابل تجدید شمسی توانائی پیدا کرنے کے لیے اپنے سر کا استعمال کرسکتے ہیں۔غیرملکی خبررساں ادارے کی رپورٹ کے مطابق اسپین کی ویلنسیا یونیورسٹی کے اشتراک سے ایک ہسپانوی اسٹارٹ اپ کمپنی
نے ایک دلچسپ منصوبہ پیش کیا ہے جس میں گنجے مردوں کے سر پر سورج کی روشنی شمسی توانائی پیدا کرسکتی ہے۔ماہرین کے مطابق اس ڈیزائن میں کھوپڑی کو سطح کے طور پر استعمال کیا جاتا ہے جو سورج کی کرنوں کو اکٹھا کرتی ہے اور پھر اسے بجلی میں تبدیل کرتی ہے تاکہ اس شخص کے پاس چھوٹی بیٹریوں میں توانائی ذخیرہ ہوجائے۔رپورٹ کے مطابق ذخیرہ شدہ توانائی بعد میں موبائل فون کو چارج کرنے سمیت مختلف کاموں کے لیے استعمال کی جاسکتی ہے۔ماہرین کا کہنا ہے کہ ایسا کرنے کے لیے لیبارٹری میں مائیکرو چپس کو سر پر رکھا جاتا ہے جو بعد میں استعمال کے دوران سورج کی روشنی کو ذخیرہ شدہ بجلی میں بدل دیتی ہے۔رپورٹ کے مطابق گنجے شخص کا سر شمسی خلیوں کے مقابلے میں شمسی توانائی کو تبدیل کرنے میں زیادہ کارآمد ہیں جو بجلی پیدا کرنے کے لیے استعمال ہوتے ہیں کیونکہ وہ طاقت اور رفتار سے سورج کی روشنی کی عکاسی کرتے ہیں۔ماہرین کا کہنا ہے کہ یہ تجربہ 42 مردوں پر کامیابی کے ساتھ کیا گیا، کھوپڑی میں مائیکرو چپ لگانے کے لیے بس ایک مختصر آپریشن کی ضرورت پیش آتی ہے۔
