کراچی (این این آئی) کراچی سمیت ملک کے 5 شہروں میں 300 فٹ سے اونچی عمارتیں بنانے سے متعلق معاملات طے پاگئے اور وزیراعظم نے یقین دہانی کرادی کہ 300فٹ سے اونچی عمارتیں بنانے کی اجازت ہے۔تفصیلات کے مطابق وزیراعظم عمران خان سے آباد کے
عہدیداران کی ملاقات ہوئی ، ملاقات میں بلند عمارتوں کی اجازت سے متعلق معاملات طے پا گئے۔وزیراعظم نے یقین دہانی کرائی کہ 300فٹ سیاونچی عمارتیں بنانے کی اجازت ہے، اب سول ایوی ایشن اور پی اے ایف سے اجازت لینے کی ضرورت نہیں ، دونوں اداروں نے تحریری طورپروزیراعظم کو آگاہ کردیا۔آباد کے عہدیداران نے کہا سول ایوی ایشن اورپی اے ایف سے اجازت لینے کی ضرورت نہیں، دونوں اداروں نے تحریری طور پر وزیراعظم کو آگاہ کردیا۔سی اے اے اور پاک فضائیہ نے جواب میں کہا عمارتوں کے اسٹرکچر کا سروے ادارے کریں گے۔آباد کے عہدیداران نے کہا وزیراعظم نے اجازت دیدی سمری کابینہ اجلاس میں منظوری کیلئے بھیج دی، منظوری کے بعد کراچی،لاہور، فیصل آباد، ملتان اور پشاور میں ہائی اسٹینڈرڈ ملٹی اسٹوریج عمارتیں بنائی جاسکتی ہیں۔یاد رہے رواں سال ستمبر میں وفاقی کابینہ نے بڑے شہروں میں کثیرالمنزلہ عمارتوں کی تعمیرکی منظوری دی تھی۔خیال رہے وزیر اعظم عمران خان نے کہا تھا کہ میرا وژن ہے کہ شہروں میں کثیر المنزلہ عمارتوں کی اجازت ہو اور بڑی عمارتوں کے سامنے سبزہ زار کے لیے زیادہ جگہ مختص کی جائے۔
