اسلام آباد (این این آئی) وزیراعظم عران خان کے معاون خصوصی شہباز گل نے کہا ہے کہ فردوس صاحبہ کا بیان ان کا ذاتی تجزیہ یا خیال ہوسکتا ہے۔ انہوں نے کہا کہ ریکارڈ کی درستگی کے لیے یہ بات درست نہیں ہے۔نجی ٹی وی کے مطابق فردوس عاشق

اعوان نے کہا تھا کہ وزیراعظم کے کہنے پر آرمی چیف نے بلاول کو کال کی تھی۔وزیراعظم کے معاون خصوصی شہباز گل نے کہا کہ ن لیگ کو اداروں اور صنعتوں کا اپنے پیروں پر کھڑا ہونا ہضم نہیں ہورہا ہے۔ انہوں نے دعویٰ کیا کہ ن لیگ بوکھلاہٹ کا شکار ہے۔ انہوں نے کہا کہ بجلی میں 50 فیصد سبسڈی دے کر عمران خان نے صنعتوں کو اپنے پاؤں پر کھڑا کیا۔انہوں نے کہاکہ اس وقت صنعتیں بھرپور صلاحیت سے کام کررہی ہیں،انہوں نے کہا کہ کورونا کے بعد صنعتیں کھولنا بہترین فیصلہ تھا۔شہباز گل نے کہا کہ صنعتوں کے کھلنے سے روزگار کے مواقع میسر آئیں گے۔ انہوں ں ے کہا کہ دو لاکھ نوکریاں عمران خان کے وعدے کی تکمیل کی جانب ایک قدم ہے۔شہباز گل نے کہا کہ پہلے اداروں پر حملے اور اب منتیں، یہ ہے ان کی اصلیت۔ انہوں ں ے کہا کہ جعلی انقلاب بری طرح بے نقاب ہو چکا ہے۔

موضوعات:شہباز گل نے فردوس عاشق اعوان کے بیان کی تردید کر دی