چلاس( آن لائن) مسلم لیگ (ن) کی نائب صدر مریم نوازنے کہا ہے کہ گلگت بلتستان صوبہ بھی بنے گا اور اس کو اس کے حقوق بھی ملیں گے، ابھی الیکشن آیا بھی نہیں اور دھاندلی شروع ہوگئی،اپنے ووٹ کو چوری نہیں ہونے دینا۔جس نے وفا نبھائی وہ سونے میں تولنے کے لائق ہے، جو چھوڑ گیا وہ لوٹا،جو اپنے لیے کھڑ ا نہیں ہو سکتا وہ کارکنوں کے لیے کیا کھڑا ہو گا؟۔مسلم لیگ ن کی
مرکزی نائب صدر مریم نوازنے چلاس میں جلسہ عام سے خطاب کرتے ہوئے کہا کہ چلاس کے متاثرین کو معاوضہ بھی ملے گا اور وہ نوازشریف دیں گے، یہ لاکھ چاہیں دھاندلی کرلیں، جہاں شیر کھڑا ہوجائے تو گیدڑ دوڑ جائیں گے۔ گلگت بلتستان اور پاکستان کی خوشحالی کوووٹ دینا ہے، بھاشا ڈیم کے متاثرین کو معاوضہ نہیں جو کہ ملنا چاہیے۔ ان کا کہنا تھا کہ نوازشریف صوبہ بھی بنائے گا اور متاثرین کو معاوضہ بھی دے گا۔ انہوں نے اپنے خطاب میں کہا کہ ابھی الیکشن آیانہیں لیکن یہاں پردھاندلی شروع ہوگئی،آپ نے اپنے ووٹ کوچوری نہیں ہونے دینا ، ووٹ ڈالنا بھی ہے اور پہرہ بھی دینا ہے۔ ان کا کہنا تھا کہ عمران خان کی حکومت کے دن گنے جاچکے ہیں۔انہوں نے پارٹی چھوڑ جانے والوں کو شدید تنقید کا نشانہ بناتے ہوئے کہا کہ سنا ہے یہاں سے ن لیگ کاایک امیدوارلوٹاہوگیاہے،وہ لوٹایہاں وزیربھی رہاہے،دباؤ آنے پرلوٹا بننے والاکیاآپ کے ووٹ کاحقدارہے؟جس نے وفا نبھائی وہ سونے میں تولنے کے لائق ہے،جو اپنے لیے کھڑ ا نہیں ہو سکتا وہ کارکنوں کے لیے کیا کھڑا ہو گا؟۔ ان کا کہنا تھا کہ بلوچستان کے وزیراعلیٰ اب بھی ہمارے دل کے سی ایم ہیں۔ انہوںنے مزید کہا کہ دیامر بھاشا ڈیم بن رہا ہے جس سے کئی خاندان، آبادیاں متاثر ہوئیں، دیامر بھاشا ڈیم کے متاثرین کو ان کا حق اورمعاوضہ ملنا چاہئے۔ مریم نوازنے کہا ہے کہ گلگت بلتستان صوبہ بھی بنے گا اور اس کو اس کے حقوق بھی ملیں گے
