اسلام آباد ( آ ن لائن ) وزیر اعظم کے معاون خصوصی شہباز گل نے کہا ہے کہ گلگت بلتستان کے لوگوں کا مسلم لیگی بیانیہ کو مسترد کرنا پاکستان تحریک انصاف کی کامیابی کا واضح ثبوت ہے، پاکستان تحریک انصاف گلگت بلتستان سے کلین سویپ کرے گی۔ اپوزیشن کے جلسوں پر
ردعمل دیتے ہوئے شہباز گل نے کہاکہ اپوزیشن کا کل ایک اور فلاپ سیاسی تھیٹر، کھودہ پہاڑ نکلا چوہا، کے سوا کچھ بھی نہیں، ساری زندگی کرپشن کرنے والا ٹولہ گلگت کے معصوم لوگوں کو جھانسہ دے رہا ہے، مسلم لیگ ن کے غداری اور کرپشن کے چرچے پورے بلتستان کی گلیوں میں بلند ہو رہے ہیں، ان لوگوں نے سیر سپاٹے کے علاوہ عوام کا حال تک نہیں پوچھا۔شہباز گل کا کہنا تھا اپوزیشن کا اداروں کے حلاف ہر جگہ ہرزہ سرائی کرنا ان کا پورانا وطیرہ ہے، اپنے دور حکومت میں پاکستانی تحائف تک ہڑپ کر جانے والے آج کس منہ سے عمران خان پر انگلیاں اٹھا سکھتے ہیں، عدالتوں سے مفرور ٹولہ کبھی بھی عوام کا ہمدرد نہیں ہو سکتا۔
