لاہور(نیوز ڈیسک) سری لنکا کے خلاف ایک روزہ سیریز کے لئے 16 رکنی قومی اسکواڈ کا اعلان کردیا گیا جب کہ طویل القامت فاسٹ بولر محمد عرفان ورلڈ کپ کے بعد پہلی بارایکشن میں نظرآئیں گے۔پاکستان اور سری لنکا کے درمیان 5 ایک روزہ میچز پر مشتمل سیریزکا آغاز 11 جولائی سے ہوگا جس کے لئے چیف سلیکٹر ہارون رشید نے اظہرعلی کی قیادت میں 16 رکنی قومی ٹیم کا اعلان کردیا۔یواین پی کے مطابق قومی کرکٹ ٹیم میں جگہ بنانے والوں میں احمد شہزاد، محمد حفیظ، شعیب ملک، اسد شفیق، سرفرازاحمد، بابراعظم، یاسرشاہ، احسان عادل، انورعلی، عماد وسیم، بلال ا?صف، مختاراحمد، محمد رضوان اور راحت علی شامل ہیں جب کہ ورلڈ کپ کے دوران زخمی ہونے طویل القامت فاسٹ بولر محمد عرفان کو بھی ٹیم میں شامل کرلیا گیا ہے۔ٹیم میں جگہ نہ بنانے والوں میں عمراکمل، فاسٹ بولرجنید خان، حارث سہیل، صہیب مقصود اور محمد سمیع شامل ہیں جو سلیکٹرز کی توجہ کا مرکزنہ بن سکے جب کہ چیف سلیکٹر ہارون رشید کا کہنا ہے کہ وہاب ریاض فٹ ہوگئے اور ٹیم کو ان کی ضرورت محسوس ہوئی تو ان کے نام پربھی غورکیا جاسکتا ہے۔