اسلام آباد (مانیٹرنگ ڈیسک )نواز شریف کا لندن میں علاج چل رہا ہے جیسے ہی وہ ٹھیک ہوتے ہیں وطن واپس آجائیں گے ۔ تفصیلات کے مطابق میڈیا سے گفتگو کرتے ہوئے مریم نواز عاصم باجوہ الزامات سے متعلق پوچھے گئے سوال پر کہنا تھا کہ عاصم سلیم باجوہ کے حوالے سےبڑے ثبوت سامنے آئے ہیں ۔ انہیں چاہیے کہ سامنے آئیں
اور قوم کواپنے اوپر لگائے گئے الزامات کا جواب دےاپنی پوزیشن واضح کریں ۔ آپ سرکاری عہدے پر اورالزامات لگے ہیں تو پھر ان کا جواب دینا چاہیے ۔ ان کا کہنا تھاکہ ہمارے اوپر الزامات لگے ، وہ کہاوت ہے کہ کھود ا پہاڑ نکلا چوہا ، ہمارے اوپر تو چوہا بھی نہیں نکلا ۔ پھر بھی ہم نے تین تین بار سزائیں کاٹیں ہیں ۔ اگر آپ پر کوئی الزام لگا ہے اور اس کے ثبوت سامنے آئے ہیں تو پھر آپ کو قانون کا سامنا کرنے سے گھبرانا نہیں چاہیے ۔
