اسلام آباد(مانیٹرنگ ڈیسک)جڑواں شہروں راولپنڈی ، اسلام آباد اورلاہور سمیت کئی شہروں میں طوفانی بارش، لاہورمیں تیز بارش سے جل تھل ایک ہوگیا، ہر طرف پانی ہی پانی ہے، سڑکیں ندی نالوں میں تبدیل ہوگئیں، نشیبی علاقوں میں پانی گھروں میں داخل ہوگیا۔ بجلی غائب ہوگئی۔لاہورشہر میں سب سے زیاد ہ بارش لکشمی چوک میں 186 ملی میٹر ریکارڈ کی گئی۔ اپر مال 141، مغلپورہ 74 اور تاج پورہ میں 173 ملی میٹر بارش ہوئی۔ نشتر ٹان میں 123، چوک ناخدا میں 120، پانی والا

تالاب میں 141 ملی میٹر بارش ریکارڈ کی گئی۔فرخ آباد میں 156، گلشن راوی میں 155، اقبال ٹائون میں 131، سمن آباد 153، جوہر ٹائون میں 103 ملی میٹر بارش ریکارڈ اور ایئرپورٹ پر 92.6 ملی بارش ہوئی۔ گوجرانوالہ، سرگودھا، فیصل آباد، قصور، میانوالی بھکر میں بھی بارش ہوئی جس سے نشیبی علاقوں میں پانی جمع ہوگیا۔ بعض شہروں میں چھتیں گرنے کے واقعات بھی پیش آئے۔ دوسری جانب این ڈی ایم اے نے مزید طوفانی بارشوں کا الرٹ جاری کردیا ہے ۔