اسلام آباد (مانیٹرنگ ڈیسک) جمعہ سے ملکی بالائی اور وسطی علاقوں میں مون سون بارشوں کی پیش گوئی ۔تفصیلات کے مطابق محکمہ موسمیات نے تازہ بیان میں کہا ہے کہ جمعہ کی رات سے کشمیر، گلگت بلتستان، اسلام آباد، پنجاب اور خیبر پختونخوا میں ہوا کے ساتھ بوندھا باندھی اور

بارشوں کا امکان ہے جس کے نتیجے میں گرمی کی موجودہ لہر میں کمی آئے گی۔اس کے ساتھ بلوچستان کے علاقوں ژوب، بارکھان، لورارئی، موسیٰ خیل، سبی اور کوہلو سمیت سندھ کے اضلاع سکھر، جیکب آباد، لاڑکانہ، میرپور خاص اور بینظیر آباد میں ہفتے کی شام کو گرد آلود ہواؤں کے ساتھ بارشیں متوقع ہیں۔محکمہ موسمیات نے بتایا ہے کہ مون سون بارشوں کیساتھ مغربی ہواؤں کاسلسلہ بالائی علاقوں میں داخل ہوگیا ہے۔محکمہ موسمیات کے مطابق راولپنڈی،گوجرانوالہ،فیصل آباد میں فلیش فلڈنگ کاخدشہ بڑھ گیا ہے۔ اس کے علاوہ صوبہ سندھ میں بارشیں پیر سےشدت اختیار کریں گی جبکہ کراچی،حیدرآباد،ٹھٹھہ اوربدین میں اربن فلڈنگ کااندیشہ ہے ۔علاوہ ازیں محکمہ موسميات نے پیش گوئی کی کہ بارش سے پہلے تیز ہوائیں اور آندھی کا امکان ہے اور ہوا کی رفتار40سے50فی کلومیٹرفی گھنٹہ ہوسکتی ہے تاہم شہر کے مختلف مقامات پر ہلکی اور تیز بارش کا امکان ہے۔