اسلام آباد(نیوزڈیسک)ایم کیو ایم کو بی بی سی کی رپورٹ سے ایک اور جھٹکا لگاہے، صرف ایک ہفتہ میں یہ اس کیلئے تیسرا دھماکا ہے، رپورٹ میں ایم کیو ایم کو بھارتی فنڈنگ اور اس کے کارکنوں کی وہاں تربیت کے حوالے سے ویسے ہی الزامات لگائے گئے ہیں جن کو پاکستانی حکام برسوں سے کئی بار دُہرا چکے ہیں، جیسا کہ اکثر ہوتا ہے، پاکستانی حکام کے الزامات کو شواہد کی کمی اور سیاسی قرار دے کر اکثر زیادہ اہمیت نہیں دی گئی مگر جب یہ سب کچھ ایک بین الاقوامی خبر رساں ادارہ کرے تو اس کو خاصی اہمیت دی جاتی اور قابل بھروسہ و قابل ایکشن قرار دیا جاتا ہے۔ بی بی سی رپورٹ کا وقت انتہائی اہم ہے، ایم کیو ایم کے قائد الطاف حسین کی منی لانڈرنگ کیس میں ضمانت کے حوالے سے برطانوی حکام کے سامنے پیشی سے تین ہفتہ قبل نشر کی گئی، بی بی سی رپورٹ کو ایم کیو ایم نے خودساختہ (ٹیبل اسٹوری) اور میڈیا ٹرائل قرار دیا ہے مگر پاکستان میں خطرے کی گھنٹی بجا دی جب اس نے کہا کہ ایم کیو ایم بھارت سے فنڈ لینے کے الزام کا جواب نہیں دے گی، یہ ہی سوال بھارت سے کیا گیا اس نے بھی جواب نہیں دیا، برطانوی حکام نے ایم کیو ایم کی ملکیت عمارتوں سےہتھیاروں کی فہرست بھی برآمد کی تھی، یہ ہتھیار ممکنہ طور پر کراچی میں استعمال ہوئے، رواں سال 30 اپریل کو سینئر پولیس افسر رائو انوار نے رپورٹرز کے سامنے دو مبینہ دہشت گردوں کو پیش کیا تھا جو بقول ان کے ایم کیو ایم کے کارکن تھے، انہوں نے الزام لگایا تھا کہ ایم کیو ایم پاکستان کے خلاف سرگرم ہے اور ایم کیو ایم کے رہنمائوں کے ’’را‘‘ سے رابطے ہیں گرفتار کارکنوں نے بھارتی خفیہ ایجنسی ’’را‘‘ سے تربیت حاصل کی تھی، ان کے پاس ثبوت موجود ہیں۔ ایم کیو ایم کے سخت دبائو کے باعث سندھ حکومت نے یہ الزامات لگانے پر رائو انوار کو معطل کر کے عہدے سے ہٹا دیا تھا، صرف ایک روز قبل وزیر داخلہ چوہدری نثار علی خان نے ایم کیو ایم کو جھٹکا دیا تھا جب انہوں نے اعلان کیا تھا کہ حکومت نے اسکاٹ لینڈ یارڈ کو محسن علی تک رسائی دینے کا فیصلہ کیا ہے جس کو ایف آئی اے نے چند ہفتہ قبل کراچی سے گرفتار کیا تھا اس پر ستمبر 2010ء میں ڈاکٹر عمران فاروق کے دو مبینہ قاتلوں کو برطانوی کالج میں داخلے اور ویزے کیلئے فنڈز اور سہولت فراہم کرنے کا الزام ہے، اگرچہ سرکاری طور پرنہیں بتایا گیا مگر خیال کیا جاتا ہے کہ محسن علی نے دو ملزمان کو لندن جانے کیلئے ویزے اور فنڈز فراہم کرنے کا اعتراف کر لیا ہے، تیسری بری خبر ایم کیو ایم کو 18 جون کو ملی تھی جب فرنٹیئر کور (ایف سی) نےڈاکٹر عمران فاروق کے دو مبینہ قاتلوں محسن اور خالد شمیم کو گرفتار کرلیا جو قتل کے بعد سری لنکا سے ہوتے ہوئے پاکستان واپس آئے تھے، کہا جاتا ہے کہ پاکستانی حکام نے ان افراد کو اس وقت کراچی ایئرپورٹ سے گرفتار کیا تھا، تاہم ایف سی کا کہنا ہے کہ ان افراد کو چمن بارڈر پر افغانستان سے پاکستان میں داخل ہوتے ہوئے گرفتار کیا تھا۔ انہیں ایف آئی اے کے حوالے کر دیا گیا، معاملات آگے بڑھ رہے ہیں اور ایم کیو ایم کے گرد گھیرا تنگ ہو رہا ہے، امکان ہے کہ برطانوی تفتیش کاروں کو عمران فاروق قتل کیس میں ان دو افراد سے تفتیش کی اجازت دے دی جائے
بی بی سی کی رپورٹ، ایم کیو ایم کوایک ہفتہ میں تیسرا جھٹکا
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
نوجوانوں کے لیے خوشخبری، حکومت کا گھر بیٹھے روزگار کمانے کے لیے اہم قدم
-
جیٹ فیول، مٹی کے تیل اور لائٹ ڈیزل آئل کی قیمتوں میں مزید کمی
-
پنجاب زمین ایپ کے ذریعے صرف 2 منٹ میں فرد حاصل کرنے کا طریقہ



















































