ٹوکیو ( آن لائن ) جرمن کمپنی فائزر اکتوبر تک کورونا ویکسین متعارف کرا نے کا اعلان کر دیا ہے ۔ کمپنی کا کہنا ہے کہ وہ کورونا وائرس کی ویکسین کے انسانوں پر تجربات کا سلسلہ جاری رکھے گی اور ستمبر تک تجربات جاری رکھ کر اکتوبر میں ممکنہ طور پر ویکسین متعارف کرائی جا سکتی ہے۔ غیر ملکی میڈیا کی رپورٹ کے مطابق ا گر تجربات کامیاب اور محفوظ رہے تو دنیا کے مختلف ملکوں کو ویکسین کی لاکھوں خوراکیں روانہ کرنا شروع کر دیں گے۔
کمپنی کے چیف ایگزیکٹو افسر اور چیئرمین البرٹ بورلا کا کہنا ہے کہ ویکسین کا نام BNT162 ہے اور جرمنی میں 5 مارچ سے اس کے انسانوں پر تجربات جاری ہیں۔ فائزر کا ارادہ ہے کہ ٹرائل کے موجودہ مرحلے میں 360 افراد پر تجربات کیے جائیں۔ کمپنی ویکسین کی چار مختلف اقسام پر کام کر رہی ہے۔ مسٹر بورلا کا کہنا تھا کہ آئندہ ماہ یا زیادہ سے زیادہ جولائی تک معلوم ہو جائے گا کہ ویکسین کی کون سی قسم زیادہ محفوظ اور کار آمد ہے ۔
