اسلام آباد (این این آئی)چیئرمین سرمایہ کاری بورڈ زبیر گیلانی نے ذاتی وجوہات کی بنا پر اپنے عہدے سے استعفیٰ دے دیا ہے۔ پیر کو ترجمان وزیر اعظم آفس نے تصدیق کی کہ چیئرمین سرمایہ کاری بورڈ زبیر گیلانی نے ذاتی وجوہات کی بنا پر اپنے عہدے سے استعفیٰ دے دیا ہے۔ ذرائع کے مطابق چیئرمین سرمایہ کاری بورڈ کو مشیر تجارت نے استعفیٰ دینے کا کہا تھا،مشیر تجارت چیئرمین سرمایہ کاری بورڈ
کی کارکردگی سے خوش نہیں تھے۔ذرائع کے مطابق چیئرمین سرمایہ کاری بورڈ لے مشیر تجارت کے دباؤ پر وزیراعظم سے مدد حاصل کرنے کی کوشش کی تھی،تبدیلی سرکار کے دور حکومت میں سرمایہ کاری بورڈ کے دوسرے چیئرمین نے ذاتی وجوہ پر استعفیٰ دیا،اس سے قبل ہارون شریف بھی حکومت کی معاشی ٹیم کے ساتھ اختلافات کے باعث استعفیٰ دے چکے ہیں۔
