اسلام آباد( آن لائن) وزیراعظم کے معاون خصوصی برائے احتساب و امور داخلہ شہزاد اکبر نے اپنے ٹویٹ میں کہا ہے کہ وزیراعظم عمران خان نے محسن داوڑ اور علی وزیر کو اشرف غنی کی تقریب حلف برداری میں شرکت کے لئے کابل جانے کی اجازت دیدی، دونوں ارکان اسمبلی کو نام ای سی ایل میں شامل ہونے پر بیرون ملک سفر سے روکا گیا تھا۔ ٹویٹر پر جاری پیغام کے مطابق اتوار کے روز وزیراعظم کے معاون خصوصی برائے احتساب و امور داخلہ شہزاد اکبر نے
کہا ہے کہ پی ٹی ایم ارکان قومی اسمبلی محسن داوڑ اور علی وزیر کا نا م ای سی ایل میں شامل ہونے پر انہیں بیرون ملک جانے سے روکا گیا تھا۔ تا ہم وزیراعظم عمران خان نے انہیں کابل جانے کی اجازت دے دی ہے۔ وزیراعظم کی ہدایت پر وزارت داخلہ نے محسن داوڑ اور علی وزیر کو ایک بار سفر کی اجازت دی ہے وزیراعظم نے دونوں ارکان اسمبلی کو افغان صدر اشرف غنی کی تقریب حلف برداری میں شرکت کے لئے سفر کی اجازت دی ہے۔
Today Parliamentarians @mjdawar & Ali Wazir were stopped by FIA to fly to Kabul for being on ECL. PM @ImranKhanPTI has instructed MoI to grant one time permission to both to travel to Kabul to attend oath taking ceremony of @ashrafghani MoI has granted OTP to travel @PTIofficial
— Mirza Shahzad Akbar (@ShazadAkbar) March 8, 2020
