لاہور( این این آئی)مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ مریم نواز بہت جلد ٹوئٹر پر متحرک نظر آئیں گی ،حسن اور حسین نواز بھی پاکستان واپس آنے کا ارادہ رکھتے ہیں،شہباز شریف عنقریب پاکستان آجائیں گے جبکہ نوازشریف علاج مکمل ہونے والے بعد ہی آئیں گے۔نجی ٹی وی سے گفتگو کرتے ہوئے انہوں نے انہوں نے دعوی کیاکہ مریم نواز بہت جلد ٹویٹر پر متحرک نظر آئیں گی جبکہ حسن اور حسین نواز بھی پاکستان

واپس آنے کا ارادہ رکھتے ہیں۔ انہوں نے کہا کہ نوازشریف اورشہبازشریف لندن کے ایون فیلڈ اپارٹمنٹس میں ہی رہائش پذیر ہیں۔انہوں نے کہا کہ شہبازشریف نے ڈیڑھ سال میں پنجاب سے ڈینگی ختم کردیا تھا نئے پاکستان میں ڈینگی پھر آگیا، حکومت کو اب بھی شہبازشریف کی ضرورت ہے۔انہوں نے کہا کہ عورت مارچ میں ایک نعرے کا غلط تاثر دیا جارہا ہے، ہمیں ایک دوسرے کی رائے کا احترام کرنا چاہیے کیونکہ اس مارچ کا مقصد صحیح ہے۔

موضوعات:عظمیٰ بخاری