اسلام آباد (مانیٹرنگ ڈیسک)ڈکیتی کی واردات کے دوران جاں بحق ہونیوالا ڈاکو پولیس اہلکا ر نکلا ۔ تفصیلات کے مطابق اسلام آباد سیکٹر آئی ایٹ میں راہزنی کے وقت ڈاکوئوں کی فائرنگ سے ایک راہگیر جاں بحق پولیس سمیت دو افراد شدید زخمی ہو ئے تھے جبکہ پولیس کی جواب فائرنگ سے ایک ڈاکو شدید زخمی ہو گیا جسے قریبی
ہسپتال منتقل کیا گیا لیکن وہ زخموں کی تاب نہ لاتے ہوئے زندگی کی بازی ہار گیا ۔ جاں بحق ہونیوالے ڈاکو کی شناخت اسلام آباد پولیس اہلکار اشرف کے نام سے ہوئی ہے ۔ پولیس ذرائع کے مطابق اشرف انسداد دہشتگردی فورس کا ملازم تھا اور جاں بحق ہونیوالا ملزم ڈیوٹی کے بعد مختلف جگہوں پر ڈکیتوں میں بھی ملوث رہا ہے ۔
