اسلام آباد (این این آئی) نااہلی سے متعلق کیس میں فیصل واوڈا کے وکیل نے جواب جمع کرانے کیلئے مہلت مانگ لی۔الیکشن کمیشن میں وفاقی وزیر آبی وسائل فیصل واڈا کی نااہلی سے متعلق کیس کی سماعت چیف الیکشن کمشنر سکندر سلطان راجہ کی زیر صدارت پانچ رکنی نے کی ۔
دور ان سماعت الیکشن کمیشن نے فیصل واڈا کے خلاف مقدمات کو یکجا کردیا،درخواست گزاروں کی جانب سے فیصل واڈا کے خلاف حتمی شواہد اور ریکارڈ جمع نہ کرائے جاسکے، فیصل واڈا کے وکیل نے جواب جمع کرانے کیلئے مہلت مانگ لی۔ درخواست گزار نے کہاکہ امریکی سفارتخانہ سے رابطہ کیا ہے جواب نہیں آیا۔ چیف الیکشن کمشنرنے کہاکہ یہ کیس اب بھی ابتدائی سماعت کے مرحلہ میں ہے،آپ ہمیں کچھ مواد دیں تو آگے کیس چلائیں۔ الیکشن کمیشن نے درخواست گذاروں کو ہدایت کی کہ صرف درخواست پر کیس کیسے چلائیں؟ شواہد دیں۔ چیف الیکشن کمشنر نے کہاکہ فیصل واڈا کے خلاف جب تک متعلقہ ریکارڈ نہ ملا تو کیس نہیں چل سکتا،درخواست گزار پہلے ہمیں مطمئن کریں پھر کیس چلے گا۔الیکشن کمیشن نے فیصل واڈا کے خلاف کیس کی سماعت 10 مارچ تک ملتوی کردی۔
