اسلام آباد(این این آئی) احتساب عدالت نے سابق وزیر خزانہ اسحاق ڈار کے خلاف آمدن سے زائد اثاثہ جات ضمنی ریفرنس میں شریک ملزم سعید احمد کی طبی بنیادوں پر حاضری سے مستقل استثنیٰ کی درخواست منظورکر لی ۔پیر کو کیس کی سماعت احتساب عدالت کے جج محمد بشیر نے کی۔نیب پراسیکیوٹر افضل قریشی، تفتیشی افسر نادر عباس
اور وکیل صفائی قاضی مصباح عدالت کے روبرو پیش ہوئے۔شریک ملزمان سعید احمد اور منصور رضا بھی عدالت کے روبرو پیش ہوئے۔وکیل شریک ملزم سعید خان نے کہا کہ سعید احمد مختلف بیماریوں میں مبتلا ہیں۔عدالت نے شریک ملزم سعید احمدکی طبی بنیادوں پر حاضری سے مستقل استثنیٰ کی درخواست منظورکر تے ہوئے کیس کی سماعت 4 مارچ تک ملتوی کر دی۔
