لاڑکانہ(این این آئی) لاڑکانہ ریلوے اسٹیشن پر چنے بیچنے والا شہر کے لیلان آباد کا رہائشی 45 سالا محنت کش قربان علی شیخ سکھر سے کوٹری جانے والی موہن جو دڑو پسینجر میں اترنے کے دوران پیر پھسلنے سے ٹرین کی زد میں آکر جاں بحق ہوگیا اطلاع پر ریلوے پولیس نے پہنچ کر لاش چانڈکا اسپتال کے شعبہ حادثات منتقل کردی جہاں ضروری کاروائی کے
بعد لاش ورثہ کے حوالے کی گئی، بتایا جاتا ہے کہ متوفی 30 سال سے چنے بیچ کر بچوں کی کفالت کرتا تھا جو آج معمول کے مطابق ٹرین میں چڑھ کر چنے بیچنے کے گیا جہاں چلتی ٹرین میں اترنے دوران پیر پھسلنے سے وہ جاں بحق ہوئے ہیں، دوسری جانب متوفی کی لاش گھر پہنچا دی گئی جہاں لاش گھر پہنچنے پر کہرام مچ گیا۔
