اسلام آباد (نیوز ڈیسک)وفاقی وزیر توانائی عمر ایوب خان کا کہنا ہے کہ ن لیگ کے دور میں 39ارب روپے ماہانہ بجلی کا گردشی خسارہ بڑھ رہا تھا،موجودہ حکومت نے پچھلے سال پہلے 22ارب روپے پر خسارہ لائی۔ اب 10 سے 12ارب روپے تک کم کرچکے ہیں،رواں سال کے آخر تک بجلی کا گردشی خسارہ صفر کردیں گے،گردشی قرضے زیرو کرکے بانڈز آفر کردیں گے،ملک بھر کے 8882فیڈرز لوڈشیڈنگ فری کرچکے ہیں،بیس فیصد کو بھی لوڈشیڈنگ فری کرنے میں لگے ہیں،

سات ہزار بجلی چور پکڑ کر خسارہ کم کرسکے ہیں،جس بھی تقسیم کار کمپنی میں کوئی حادثے کا شکار ہوگا اسے خودکار نظام کے ذریعے معاوضہ دینے پر کام کررہے ہیں،ارکان پارلیمنٹ کے ٹرانسفارمر ٹھیک کرانے کے فنڈز ختم کردیئے ہیں،تین سو یونٹس تک استعمال کرنے والے صارفین کو 226ارب روپے سبسڈی دی جارہی ہے۔ وفاقی وزیر نے کہا کہ یکم اگست سے آج تک بجلی کی قیمتوں میں تین بار اضافہ کیا، بجلی کے ریونیو میں 229 ارب اضافہ کیا ہے۔