اسلام آباد (این این آئی)بھارت کی بوکھلاہٹ اور مسلسل قلابازیاں،پاکستان نے مودی حکومت کے دوغلے پن کو بے نقاب کر دیا۔ ذرائع کے مطابق بھارت سرکار کرتارپور پر پاکستان کے اقدامات سے حواس باختہ ہوگیا، سکھ برادری میں پاسپورٹ کے معاملے پر کنفیوژن پھیلانے کی ناکام کوشش،مودی حکومت کے سکھ کمیونٹی کے پاسپورٹ بنانے میں تاخیری حربے شروع کر دیئے۔زائرین کی سہولت کیلئے وزیر اعظم پاکستان نے پاسپورٹ کیلئے ایک سال کی چھوٹ بھی دی،اس رعائت کے تحت زائرین پاکستان آنے کا قانونی انٹری پرمٹ اپنا شناختی کارڈ ڈرائیونگ لائسنس ادھار کارڈ یا پاسپورٹ دکھا کر حاصل کر سکتے ہیں،

بھارت نے پاکستان کی طرف سے سکھوں کے لئے دی گئی مراعات کو مسترد کر دیا،سکھوں کے لئے خصوصی مراعات کا اعلان بابا گرونانک کی 550 ویں برسی کے موقع پر تھا،وزیراعظم نے نے 10 دن پہلے فہرستوں کی فراہمی اور پاسپورٹ کی شرط کے خاتمے کا اعلان کیا تھا۔ ترجمان دفتر خارجہ کے مطابق بھارت نے وزیراعظم کی اعلان کردہ مراعات کو مسترد کر کے سکھوں کے جذبات کو مجروح کیا، اگر بھارت مراعات سے فائدہ نہیں اٹھانا چاہتا تو یہ اس کی مرضی ہے، بھارت قیادت کرتارپور راہداری پر ذہنی الجھاؤ کا شکار ہے۔