سڈنی(نیوزڈیسک )شمالی آسٹریلیا میں ایک ایسی مچھلی دریافت کی گئی ہے جو پانی سے نکل کر زمین پر 6دن تک زندہ رہ سکتی ہے۔عالمی میڈیا کے مطابق آسٹریلیا کے محقیقین کا کہنا ہے کہ اس مچھلی کے گلپھڑے بھی ہیں اور پھیپھڑے بھی اور یہ آسٹریلیا کی مقامی جنگلی حیات کے لیے خطرناک ثابت ہوسکتی ہے۔` یہ مچھلی پاپویا نیو گنی میں پائی جاتی ہے اور پرندوں اور مچھلیوں کا شکار کرتی ہے۔ایکولوجسٹ نیتھن والتھم کے مطابق ایسے علاقے جہاں یہ نہیں پائی جاتیں وہاں ان کی موجودگی سے قدرت کے توازن میں خلل پیدا ہوسکتی ہے۔تاحال صرف چند ہی کو آسٹریلیا میں دیکھا گیا ہے تاہم سائنسدان ان کی سرگرمیوں پر نظر رکھے ہوئے ہیں۔