اسلام آباد (مانیٹرنگ ڈیسک) مولانا فضل الرحمن کوگارڈ آف آنر دینے والی جے یو آئی ف کی ذیلی تنظیم انصار الاسلام کو کالعدم قراردینے کا فیصلہ ،سمری وزارت قانون اور الیکشن کمیشن کوارسال ،نجی ٹی وی کے مطابق حکومت نے جے یو آئی ف کی ذیلی تنظیم کوکالعدم قرار دینے کا فیصلہ کرلیا ہے۔ جے یو آئی ف کی ذیلی تنظیم انصارالاسلام کوکالعدم قرار دینے کی سمری وزارت قانون اور الیکشن کمیشن کو ارسال کردی گئی ہے ۔
وزارت داخلہ کے ذرائع کے مطابق وزارت قانون اور الیکشن کمیشن کو بھجوائی جانیوالی سمری میں کہاگیاہے کہ جے یو آئی کی ذیلی تنظیم لٹھ بردار ہے اور قانون اس کی اجازت نہیں دیتا ۔ سمری کے مطابق قانون کسی بھی قسم کی ملیشیا کی اجازت نہیں دیتا ۔یاد رہے کہ جے یو آئی ف کی لٹھ بردار تنظیم انصار الاسلام کی جانب سے چند روز قبل اپنے سربراہ مولانا فضل الرحمان کو گارڈ آف آنر پیش کیا گیا تھا جس کی وجہ سے تنظیم ہد ف تنقید تھی۔
